600 мың тұратын торт: кондитер блогерді сотқа береді

Кондитер Нұршат Ақбергенова өз мүддесін сотта қорғау үшін адвокат жалдады, деп хабарлайды Orda.kz.

Бұл туралы ақпарат Threads-те пайда болды.

«Біздің заң командасы Нұршаттың құқықтары мен заңды мүдделерін сот тәртібімен қорғап, заңда көзделген барлық шараларды қолданатын болады. Фактілерді бұрмалау және қоғамды жаңылыстыру әрекеттеріне құқықтық баға беріледі» деп жазды заңгер Аржан Сәдуакас. 

Бұған дейін блогер Аселина Батыр тәуелсіз бағалаушылардың қызметін пайдаланғанын жазған болатын.

«Сарапшылардың пікірінше, өнім 250-300 мың теңгеге бағаланады. Бағалаудың дұрыстығын тексергеннен кейін кондитердің шотына 200 мың теңге сомасындағы қисынды түрде қалған ақша түскен. Торт бағасы 300 мың теңге. Алайда кондитер ақшаны қайтарып, тапсырысты төлеу мүмкіндігінен айырды» деп жазды Аселина Батыр.

Бұған жауап ретінде Аржан Сәдуакас өз бетінде ақшаның Аселина Батырдың есебінен келмегенін жазды:

«Ресми мәлімдейміз: аталған қаражатты Аселина аудармаған және тиісінше жөнелтушіге қайтарылған». 

Қазақстандық кондитер Нұршат Ақбергенова блогер Әселина Батырды туған күніне жеке тапсырыс бойынша жасалған торт үшін ақысын толық  төлемеді деп айыптады. Өз кезегінде Аселина Батыр кондитердің қорқытумен айналысатынын және өз жұмысы үшін жоғары баға талап ететінін мәлімдеді. 

Жанжал тез танымал болып, әлемнің түкпір-түкпіріндегі Threads пайдаланушыларының назарын аударды.

Еске салсақ, тағы бір осындай жағдайға қатысты  мемлекеттік кірістер комитеті  сотта комитеттің блогер Әлішер Елікбаевтан жеңілгені жайлы ақпаратты жоққа шығарды.