57 жастағы шенеунік қыз зорлады деп айыпталып отыр

Батыс Қазақстан облысында шенеунік кәмелеттік жасқа толмаған қызды зорлады деп айыпталғаны жайлы Orda.kz  хабарлайды.

Уральская неделя басылымының мәліметінше, шенеунік жоғары мемлекеттік қызметкер болған. 2- қаңтарда ер адам кәмелетке толмаған қызды үйіне алдап әкеліп, оған жыныстық сипаттағы зорлық-зомбылық көрсеткен. Полицияға арыз жазылғаннан кейін күдікті ұсталды.

«Ол жасаған ісін мойындады, қыз да оны таныды. Бірақ полиция оны үйіне жіберді. Ал маған жеке хабарлама ретінде шенеуніктен қорқынышты сөздер келе бастады», — деді қыздың әкесі.

Зардап шеккен қыздың әкесі полиция қызметкерлері істі белсенді тергемей отыр дейді. Ал Шыңғырлау аудандық полиция департаменті «Кәмелеттік жасқа толмаған тұлғаны зорлау» фактісі бойынша іс қозғалғанын мәлімдеді.

«Күдіктіні қамауға алу жағдайы істі тергейтін кешенді іс-шаралар өткізілгеннен кейін шешіледі», деп хабарлады полиция.

Оқи отырыңыз:

• Орыс православие шіркеуінің бұрынғы қызметкері Иаков Воронцов тағы ұсталды
• Референдумға арналған бюллетень үлгісі жарияланды
• Тағы да Талғар: Ғалымжан Шерзатұлы 53 күннен кейін қайта жерленді