«5000 шақырым жүріп өткен ата»: Ақтаудан велосипедпен шығып Парижге жетті

26 шілде 2024 11:29 Дидар Қайрат

Фото: Бейнеден кадр

Қазақстандық велосипедші Раббым Борашев мамыр айында велосипедпен Ақтаудан шыққан болатын. Ақыры қазақстандық азамат Парижге жетті.

5000 шақырым жүріп, Тбилиси, Анкара, София, Белград, Будапешт, Вена және Мюнхен жолдары арқылы жүріп өтіп, Триумфальды аркаға жетті. Оны Қазақстаннан келген туристер, қазақ диаспорасы және француз азаматтары қарсы алды.

Бұл туралы Aktau.kz хабарлады.

Парижде өтетін жазғы олимпиадаға велосипедпен жолға шықты.
🔊 Бүгін маңғыстаулық Раббим Борашев 26 шілде мен 11 тамыз аралығында Парижде өтетін жазғы олимпиада ойындарына велосипедпен жету үшін жолға шықты. 📌 Раббим Борашев - Бейнеу ауданының тумасы 64 жаста. Ол зейнет жасына дейін құрылыс саласында қызмет етті. Соңғы жылдары велосипед тебуге қызығушылығы оянып, бірнеше велошеруде бақ сынады. ✔️ Велошабандоздың айтуынша, Парижге велосипедпен жету үшін біраз дайындықты қажет еткен. Жоспар бойынша ол 7 мемлекет аумағын кесіп өтіп, 5000 шақырымды еңсереді. 🔊 Сегодня житель Мангистау Раббим Борашев отправился в велопутешествие на Летние Олимпийские игры, которые пройдут в Париже с 26 июля по 11 августа. 📌 Раббим Борашев - уроженец Бейнеуского района. Мужчине 64 года. До пенсионного возраста он работал в строительной сфере. В последние годы увлекся велосипедом и даже участвовал в нескольких велосипедных гонках. ✔️ По словам велосипедиста, для того, чтобы добраться до Парижа на велосипеде, требуется особая подготовка. По плану он пересечет территорию 7 государств и преодолеет 5000 километров.
Posted by Маңғыстау облысы "Қоғамдық коммуникация орталығы" on Saturday, May 4, 2024

Париждегі салтанатты қарсы алу рәсіміне Қазақстанның Франциядағы елшісі Гүлсара Арыстанқұлова мен туризм және спорт министрі Ермек Маржықпаев қатысты. Бұл сапар Париж Олимпиадасының ашылуымен сәйкес болып отыр.

Еске сала кетейік, 26 шілдеде басталып 11 тамызға дейін жалғасатын Олимпиада ойындарында Қазақстаннан 80-нен астам спортшы ел намысын қорғайды. Бұған дейін Қазақстан құрамасы жазғы Олимпиада ойындарына ел намысын қорғау үшін аттанғаны жайлы жаздық. Orda.kz тілшісі Парижге спортшылар аттанарда сәт сапар тілеп, шығарып салған болатын.

Жаңалықтар

барлық жаңалықтар