500 мың теңге салынған сейфті ұрлап кеткен 3 ұры ұсталды 

Ақмолада белгілі компанияның біріндегі сейфті көтеріп кеткен бетперде киген 3 азамат ұсталды. 

Бұл туралы ішкі істер министрлігі хабарлады. 

Оқиға 19 маусымға қараған түні болды. Бетперде киген үш адам кәсіпорынның есепшілер отыратын кабинетінің есігін бұзып, темір сейфті ұрлап алып кеткен. Жедел-іздестіру іс-шараларының нәтижесінде полицейлер үш күдіктіні ұстады. Олардың қылмысқа қатысы тексеріліп жатыр. Ұрылар сейфте бірнеше миллион теңге қолма-қол ақша бар деп дәмеленіпті. Алайда кәсіпкердің айтуы бойынша қазіргі кезде мәмілелер қолма-қол ақшасыз шешіледі. Ал сейфте бар-жоғы 500 мың теңге ақша болыпты.

Компания басшысы тез арада іске қатыстыларды ұстаған Ақмола облыстық полиция басқармасына алғысын білдірді.