5 қазан елімізде Тыныштық күні

Мәдениет және ақпарат министрлігі Қазақстанда референдум алдындағы және дауыс беру күні кез келген үгіт-насихат жұмыстарын жүргізуге тыйым салынғанын еске салады, деп хабарлайды Orda.kz.

Осылайша, 2024 жылғы 5 және 6 қазанда бұқаралық ақпарат құралдарында, соның ішінде интернетте және онлайн платформаларда референдум өткізу туралы үгіт-насихат жүргізуге тыйым салынады.

Референдум туралы ақпараттық материалдарда үгіт белгілері болмаса тыйымдар қолданылмайды.

Сайлаушыларды референдумға қойылған мәселеге «келісемін» немесе «қарсымын» деп дауыс беруге шақыратын материалдардың бәрі  үгіт материалдары болып саналады.

Бұқаралық ақпарат құралдарында және интернет-алаңдарда қоғамдық пікірге сауалнама нәтижелерін, референдум нәтижелерінің болжамдарын, референдумға байланысты өзге де зерттеулерді, референдум мәселесін жақтап немесе қарсы дауыс беруге жол берілмейді.

Тыйымды орындамағандарға әкімшілік жауапкершілік қарастырылған.

Интернет-ресурстарда бұрын орналастырылған үгіт-насихат материалдарын сайттың басты бетіне шығаруға тыйым салынады.  Олардың қаралымының көбеюіне жол бермеу үшін пайдаланушылар үшін пікір қалдыру функциясын өшіру ұсынылады.

Референдумды өткізу күні, шарттары, дауыс беру тәртібі, оның ішінде жарнамалық баннерлер, референдумға дейінгі күндерді санау және т.б. туралы бұрын орналастырылған түсіндірме ақпараттар интернет-ресурстар мен телеарналарда алдағы күнге жылжытылмайды.