44 градусқа дейін күн ысиды: Мамыр айына арналған ауа райы болжамы

Синоптиктер мамыр айына арналған ауа райы болжамын ұсынды. Жалпы алғанда, ел бойынша ауа райы әдеттегіден жылырақ болады, деп хабарлайды Orda.kz. 

Мамырда Қазақстанның көп бөлігінде орташа температура +14…+19°C шамасында болады. Оңтүстік, оңтүстік-батыс және оңтүстік-шығыстың кей өңірлерінде +20…+24°C дейін көтеріледі. Таулы аймақтарда +12…+14°C болады.

Жауын-шашын көлемі нормаға сай,  бірақ Қызылорда облысы, Ұлытау облысы, сондай-ақ Қарағанды облысы, Түркістан облысы, Жамбыл облысы өңірлерінің кей бөліктерінде өте аз болуы мүмкін.

Астана қаласында мамырдағы ауа райының орташа температурасы +16,1°C болады. Ай ортасында температура күрт ауытқиды. Кей күндері күндіз +30°C-қа дейін жылынса, басқа кезеңдерде салқындап, түнде үсік жүруі мүмкін. Жауын-шашын мөлшері – қалыпты деңгейде.

Ал Алматы қаласында орташа температура +19°C болады. Екінші онкүндікте ауа температурасы күндіз +33…+38°C-қа дейін жетуі мүмкін. Ай бойы жаңбыр, найзағай, екпінді жел, кейде шаңды дауыл сияқты қауіпті құбылыстар болуы ықтимал.

Шымкент қаласында орташа температура +21,4°C болады. Екінші онкүндікте аптап ыстық күтіледі. Күндіз +39…+44°C-қа дейін жетуі мүмкін. Кейін температура төмендеп, ай соңына қарай қайта құбылады.

Жалпы, мамыр айында Қазақстанда жылы ауа райы басым болғанымен, температура жиі ауытқуы мүмкін.

Оқи отырыңыз:

• Құрамында ветеринар дәрігерлер де бар: Ұзақ уақыт бойы мал ұрлап келген қылмыстық топ ұсталды
• Оқиға орнында қаза тапты: Әскери бөлімдердің бірінде сарбаз қаза тауып, екіншісі жараланды
• Шымкентте «алма бақтары» арқылы 430 млн теңге жымқырылған