«2025 жылғы Нобель сыйлығы»: Физика саласы бойынша лауреаттар анықталды

2025 жылғы физика саласындағы Нобель сыйлығын алғандар анықталды. Олар Калифорния университетінің өкілдері — Джон Кларк, Майкл Деворт және Джон Мартинис, деп хабарлайды Orda.kz. 

Олар «электр тізбегіндегі макроскопиялық кванттық механикалық туннельдеу мен энергияны кванттауды ашқаны үшін» марапатталды. Ғалымдар ашқан жаңалықтарын дәледеу үшін бірқатар эксперимент жүргізді.

Еске салайық, 2024 жылы физика бойынша Нобель сыйлығының лауреаттары Джон Хопфилд (Принстон Университеті, АҚШ) және Джеффри Хинтон (Джеффри Хинтон университеті, Канада) болды. Олар машиналық оқыту және нейрожелілер саласындағы «іргелі жаңалықтар мен өнертабыстар үшін» марапатталды.

Физика бойынша Нобель сыйлығы 1901 жылдан бері беріліп келеді. Осы жылы Вильгельм Рентген алғашқылардың бірі болып марапатталды. Бұл сала бойынша Нобель сыйлы 1916, 1931, 1934 және 1940-1942 жылдары берілмеді. 

Айта кетейік, тамыз айында Камбоджа билігі Трампты бейбітшілік саласындағы Нобель сыйлығына ұсынды. Ресми хатты Нобель комитетіне Камбоджаның премьер-министрі Хун Манет жіберді.