«2024 жыл қорытындысы»: Қазақ мұнайы қайда кетіп жатыр?

2024 жылдың 10 айының қорытындысы бойынша Қазақстан мұнай тасымалдауы 57,8 миллион тоннаға жетті. Оның 26%-дан астамы — 15,1 миллион тонна — отандық мұнай өңдеу зауыттарына жеткізілді, деп хабарлайды Orda.kz. 

Каспий құбыр консорциумының құбыры арқылы шамамен 46,3 млн тонна мұнай тасымалданды. «Атырау-Самара» учаскесі бойынша мұнай тасымалдау көлемі шамамен
7,2 млн тонна болды. 2024 жылдың қаңтар-қазан айларында Германияға 1,2 млн тонна Қазақстан мұнайы жіберілді.
 
Энергетика министрлігінің мәліметтеріне сүйенсек, 10 айдың қорытындысы бойынша Ақтау портынан 3,1 млн тоннадан астам мұнай тасымалданды, оның ішінде Махачкала портының бағыты бойынша 1,6 млн тонна мұнай жөнелтілді. «Баку – Тбилиси – Джейхан» мұнай құбыры бағытында 1,2 млн тонна жөнелтілді. «Атасу – Алашанькоу» мұнай құбырымен 1 млн тоннадан астам мұнай тасымалдау жүзеге асырылды.

«10 айдың қорытындысы бойынша ҚР аумағы арқылы мұнай транзиті 8,4 млн.тонна болды, оның ішінде Ресей Федерациясы – Қытай Халық Республикасы бағыты бойынша 8,2 млн. тонна, Ресей Федерациясы-Өзбекстан Республикасы бағытына 217 тонна жіберілді. Қазақстан мұнайы Италия, Нидерланды, Қытай, Корея Республикасы, Румыния, Франция, Греция, Түркия, Сингапур, Германия және т.б. елдерге экспортталады»,  деп мәлімдеді энергетика министрлігінің баспасөз қызметі.

Еске сала кетсек, бұған дейін Қазақстан мұнай нарығындағы сыбайлас жемқорлықты өршітетін ережелер туралы Orda.kz-ке АҚШ азаматы, шетелдік инвестор Дорин Бару сұхбат берген еді.