2023 жылғы бокстан әлем чемпионаты басталысымен Тәшкенбай мен Сабырхан жеңіске жетті

8 мамыр күні Ташкентте бокстан өтіп жатқан әлем чемпионатында үш қазақстандық бақ сынады. Олардың екеуі – Санжар Тәшкенбай мен Махмұд Сабырхан жеңіске жетті.

54 келіге дейінгі салмақта 1/16 финалда венгриялық Иштван Шакты төрешілердің бірауыздан қабылдаған шешіммен тізе бүктірген Махмұд Сабырхан кестедегі үш қазақстандықтың ішінде бірінші болып ойын бастады.

Одан әрі 9 мамырда Махмуд жастар арасындағы әлем чемпионы, Үндістан өкілі Сачин Сачинмен жұдырықтасады.

Одан кейін 48 келіге дейінгі салмақта 1/4 финалға жолдама алған қазақстандық боксшы Санжар Тәшкенбай турнир қожайыны Шодиержон Меликузиевті екінші раундта тізе бүктірді. Ең жеңіл боксшымыз 10 мамырда жапондық Кадзумо Аратакені жеңсе, енді 2023 жылғы әлем чемпионатының жартылай финалына шығады.

Кеш өзбекстандық Шохжахон Абдуллаевты жеңе алмаған Сағындық Тоғамбайдың (86 келіге дейін) одан нокдаунмен ұтылуымен аяқталды.

Осылайша, Ташкентте өтіп жатқан әлем чемпионатының сегізінші күнінен кейін Қазақстан құрамасы тағы бір боксшысын кері қатйтарды. Одан бөлек  Сағындық Тоғамбайдан бөлек, Сәкен Бибосынов, Талғат Сырымбетов, Санатәлі Төлтаев және Айбек Оралбай да кері қайтпақшы.