1 шілдеден ипотеканың шекті мөлшерлемесі 20%-ға төмендейді

1 шілдеден бастап ипотекалық тұрғын үй қарыздары бойынша сыйақының ең жоғарғы мөлшерлемесі 20%-ға дейін төмендетіледі, деп хабарлайды Orda.kz.       

Қаржы нарығын реттеу және дамыту агенттігі мен Ұлттық банк Қазақстандағы қарыздар бойынша жылдық мөлшерлемелердің шекті деңгейін айқындайтын бірлескен қаулы қабылдады. Құжат 16 мамырдан бастап күшіне енеді, алайда кейбір нормалары 1 шілдеден бастап қолданылады.

16 мамырдан басталатын ең жоғары мөлшерлемелер:

• ипотекалық тұрғын үй несиелері бойынша – 25%;
• кепілсіз банктік қарыздар бойынша – 46%;
• кепілмен берілетін қарыздар бойынша – 35%;
• микрокредиттер бойынша – 46%.

45 күнге дейінгі қысқа мерзімді микрокредиттер үшін жеке шектеу белгіленді: мөлшерлеме күніне 0,3%-дан аспауы тиіс (жылдық есепте 179%-дан көп емес).

Сонымен қатар, 1 шілдеден бастап ипотека бойынша шекті мөлшерлеме 20% болады.

Бұған дейін Ұлттық банк төрағасы Тимур Сүлейменов Қазақстанда ипотека бойынша мөлшерлемелерді бастапқы жарна көлеміне қарай саралау жоспарланып отырғанын айтқан еді.

Алайда қазіргі қаулыда мөлшерлеменің екі түрі әзірге қарастырылмаған, дегенмен 1 шілдеге дейін қосылып қалуы да мүмкін.

Оқи отырыңыз:

• Қазақстанда ипотека алу қиын әрі қымбат. Неге?
• Отбасы банк жеңілдетілген ипотекаға кедергі болатын тұстарын алып тастады
• Жаңа базалық мөлшерлеме халықты ипотекасыз қалдыру қаупін тудырды