Зорлау фактісімен сотталған молданың туыстары қызды бопсалап жүр
Түркістан облысы Сарыағаш ауданында 14 жасар қызға зорлық сипаттағы қылмыс жасағаны үшін сотты болған ауыл молдасының туыстары зәбір көрген отбасына тыным бермей жатыр. Дәл осындай шағыммен жәбірленуші тарап жергілікте телеарналардың біріне хабарласқан.
«Информбюро» жаңалықтар қызметінің ақпаратына сәйкес, қыз зорламақ болған ауылдың молдасы 15 жылға абақтыға қамалған, енді оның туыстары аппеляциялық сотта кешірім беруін талап етіп қыздың отбасын бопсалауға кіріскен.
– Мен оларды бірнеше рет көрдім. Олар маған келіп арызыңды алмасаң өлесің деп қорқытады. Қолына пышақ ұстап келген кездері де болған, – дейді жәбірленуші қыз.
Анасы олардан аулақ жүру үшін үш рет пәтер ауыстырған. Сонда да қыр соңдарынан қалмаған молданың туыстарына полиция қызметкерлері де еш әрекет жасамаған.
– Полицейлер олардың бопсалау әрекеттерінің дәлелі жоқ екенін айтып, жылы жауып қойды. Қорқытып жатса видеоға түсіріп алыңыз деп айтты. Қандай ана баласын пышақпен қорқытып, машинамен қуып жатса сыртынан қарап тұрып видеоға түсіреді. Кез-келген ана ондай жағдайда тек баласының қауіпсіздігін ойлап, оны қорғауға бар күшін салады, – деді жәбірленушінің анасы.
Қыз бұның бәріне төзе алмаймын деп өз-өзіне қол жұмсамақшы да болған. Полицейлер 105 бап «өз-өзін өлтіруге дейін жеткізу» бабымен іс қозғауға дерек, дәлелдердің болмай тұрғанын айтады.
– Қазір бірқатар тергеу амалдары жүргізіліп жатыр. Нақты дәлелдер болмағандықтан тек бір ғана азамат тергелуде. Ал қыздың анасы болса, бірнеше адамның арттарына түсіп жүргенін жеткізді, – дейді Түркістан облысы Сарыағаш ауданының полиция басқармасы бастығының орынбасары.
Жәбірленушінің анасы облыстық соттың әділдігіне сенбей, президент пен ішкі істер министрлігінен көмек сұрайды.
Жаңалықтар
- Теледидарлар мен ноутбуктер айтарлықтай қымбаттады
- Археология ғылымының атасы Әлкей Марғұланның 120 жылдығы
- Голан биіктеріндегі қазақстандық бітімгерлердің жалақысын БҰҰ төлейді
- Жезқазғанда арнайы жасақ қарулы жүргізушіні ұстады
- Еліміздегі су тасқынынан зардап шеккендерге 8,5 млрд теңге төленді
- Президент Әкімшілігінің басшысы мемлекетке қайтарылған заңсыз мүліктің қайда жіберілетінін айтты
- Атырау облысында төртінші күннен бері қорғаныс бөгеттері «көп суды» ұстап тұр
- Мемлекеттен 1,5 миллионға жуық қаржы тегін беріледі
- Қазақстанның 12 қаласында жылу желілері 60%-дан 91%-ға дейін тозған
- Сәуір айында жаңа баспананың бағасы төмендеді
- БҰҰ Бас ассамблеясы палестиналықтардың ұйымға мүшелігін мойындады
- Балқашта 9 мамырды тойлау кезінде таңғаларлық оқиға болды
- Алматыда жаңбыр жауады: Қазгидромет салдары болуы мүмкін екенін ескертеді
- Қазақстанда несиеге тәуелділікпен күрес әлі нәтиже бермей отыр
- Сербия Қазақстанға 1 млн еуро беріп, көмектесті
- Ақтауда газ құбыры жарылды
- Құрылыс және сәулет басқармасының басшысы пара алғаны үшін 3,5 жылға сотталды
- Қазақстанда алғаш рет әйелдер экипажы ұшты
- Қазақстанда жол көлік оқиғаларынан кейін техникалық байқаудың күшін жою ұсынылды
- Тоқаев «Экономиканы либеразациялау шаралары» туралы жарлыққа қол қойды