«Зорлаған»: Өз пәтерінен мәйіті табылған жас дәрігерді танысы қасақана өлтірген

Ақтөбе сотында жас дәрігер Мөлдір Томарованың өліміне қатысты сот үкімі шықты, деп хабарлайды Orda.kz. 

34 жастағы ер адамға Қылмыстық кодекстің төрт бірдей бабымен айып тағылды. Сотталушыға Қылмыстық кодекстің 149-бабының 2-тармағы «Тұрғынжайға қолсұғылмаушылықты бұзу», 120-бап 2-тармақ 2-бөлігі «Зорлау», 99-бап 2-тармақ «Адам өлтіру» және 380-бап 1-тармақ «Билік өкіліне қатысты қорқыту немесе күш көрсету әрекеттері» бойынша айып тағылды. Сот шешімімен ол 22 жылға бас бостандығынан айырылды. 

Сотталушының жәбірленушімен таныстығы 2017 жылдан басталған. Соңғы кездері Томарова қашқақтай бастаған, сыйлықтарын қайтарып берген. Полицияға арыз жазып, әкімшілік жазаға тартылған. Қылмыскер Е. қылмысты жасыру үшін Томарованы қасақана өлтірген. Күш қолданып, зорлаған. Тұрғын жайға түнде басып кірген. Оқиға орнынан балкон арқылы қашып шығып, полиция қызметкерін жарақаттап кеткен.