«Әзірге куәгермін». Есекеев Сатыбалдыұлының ісі туралы

«Қазақтелеком» АҚ төрағасы Қуанышбек Есекеев Қайрат Сатыбалдыұлының ісі бойынша куәгер ретінде қатысып жатқанын айтты.

«Мен әзірге түсініктеме бере алмаймын, өйткені тергеу жүріп жатыр» деді ол парламент ғимаратында журналистерге.

Есекеев бұл іс бойынша оның жай-күйін сұраған кезде «әзірге куәгермін» деп жауап берді.

Еске салсақ, ҚР Сыбайлас жемқорлыққа қарсы қызмет «Қазақтелеком» АҚ-ның лауазымдық өкілеттіктерін асыра пайдалану және аса ірі көлемдегі қаржы жымқыру фактілері бойынша қылмыстық істі тергеп жатыр.

13 наурызда Қазақстанның тұңғыш президенті Нұрсұлтан Назарбаевтың немере інісі Қайрат Сатыбалды жоғарыда аталған қылмыстарды жасады деген айыппен ұсталып, уақытша ұстау изоляторына қамалды.

Ол оффшорлық фирма арқылы «Қазақтелекомның» 24 пайыз акциясына иелік етеді деген ақпарат бар.

Сатыбалдыұлы ұсталып, одан әрі қамауға алынғаннан кейін әлеуметтік желілерде «Қазақтелеком» АҚ басқарма төрағасы Қуанышбек Есекеевтің ұсталғаны туралы ақпарат пайда болды. Бірақ сыбайлас жемқорлыққа қарсы қызмет бұл қауесетті жоққа шығарды.