Зілтемірші Игорь Сон ауыр жарақат алды – Олимпиада 2020

Ауыр атлетикадан Қазақстанның бас бапкері Бақыт Ахметов 2020 жылғы Олимпиаданың қола жүлдегері Игорь Сонның тізесіндегі ауыр жарақат туралы айтып, дәрігерлерге алғысын білдірді.

Бұл туралы Orda.kz хабарлайды.

– Әрине, мен нәтижеге ризамын, біз бәрібір медаль үшін күрестік. Бірінші орынды қытайлықтар алса, екінші орынды индонезиялықтар иеленді. Тактикалық және психологиялық тұрғыдан мықтылар жеңімпаз атанды - деді жаттықтырушы.

Оның айтуынша, дайындық қаңтар айында Ақбұлақ олимпиада орталығында басталған. Екі үміткер болды - Игорь Сон және Ибрагим Берсанов. Сәуір айында өткен Азия чемпионатында Игорь Сон ең жақсы нәтиже көрсетіп, Олимпиада ойындарына лицензия алған.

– Біз кездескен негізгі қиындық Игордың тізедегі ауыр жарақаты болды. Дәрігерлеріміздің арқасында емделіп, сауығып кеттік. Олар бізге көп көмектесті, - деді Ахметов.