Ж.Үшкемпіров атындағы сарайда V Дүниежүзілік көшпенділер ойындары өтеді

8-13 қыркүйек аралығында елордада V Дүниежүзілік көшпенділер ойындары өтеді. Жарыс өтетін спорт нысандарының бірі – Ж.Үшкемпіров атындағы жекпе-жек сарайы, деп хабарлайды Orda.kz.

Жақсылық Үшкемпіров атындағы жекпе-жек сарайында ұлттық күрес түрлерінен: қазақ күресі, күрес түрлерінен жарыстар өтеді, деп хабарлайды әкімдіктің ресми сайты V Дүниежүзілік көшпенділер ойындарының дирекциясына сілтеме жасап.

Спорт кешені 2021 жылы 8 қыркүйекте ел Тәуелсіздігінің 30 жылдығына орай Қабанбай батыр даңғылы мен  Керей мен Жәнібек хандар көшелерінің қиылысында ашылды.

Ойынға 89 елден 2000-ға жуық қатысушы қатысады. Ойындар үш бағытты қамтиды - спорт, мәдениет және ғылым.

Дүниежүзілік көшпенділер ойындары инфрақұрылымына елорданың 6  нысаны кірді: «Астана Арена» стадионы, «Қазанат» ипподромы, Ж. Үшкемпіров атындағы жекпе-жек сарайы, «Алау» мұз сарайы, Qazaqstan жеңіл атлетика спорт кешені, «Думан» кешені.