Жүргізуші сотталушылардың жағдайын жасамақ болды

Павлодар колониясы аумағына наннның ішінде тиым салынған заттарды алып өтпек болды.

Бұл туралы Павлодар облысы бойынша ҚАЖ департаменті хабарлады.

Бірнеше бөлке нанының ішінен ұялы телефондар, құлаққаптар мен маршрутизаторлар шықты. Осының барлығын сотталушыларға тамақ әкелген көлікті тінту барысында табылған. 

«Көліктің артқы жағын тінту кезінде нанның ішінен бірнеше орамаларға оралған жасырылған ұялы телефон, wi-fi роутер және сымды құлаққап табылды. Тыйым салынған заттар салынған бұл сәлемдеме тергеу мен қамауға алынғандарға арналған. Жүргізушіге қатысты әкімшілік хаттама толтырылып, материал сотқа жолданды» деп хабарлады ведомство.

Ішкі істер департаменті еске салады: тергеу изоляторы аумағына кіретін кез келген көліктің кіруі және шығуы кезінде шлюзде көлік құралына мұқият тексеру жүргізіледі. 

«Азаматтар азық-түлік пен киімге тыйым салынған заттарды жасыруға тырысады. Бұл құқықбұзушылық үшін жауапкершілік бар» деп ескертті департамент.