Жыр болған картоптың орташа бағасы 322 теңгеге жетті

Сауда және интеграция министрлігі жыл басынан бері картоптың әлеуметтік маңызы бар өнім ретінде сауда үстемесін 15%-дан асыруға қатысты 49 заң бұзушылықты анықталды, деп хабарлады Orda.kz. 

Анықталған барлық фактілер бойынша әкімшілік іс жүргізу шеңберінде тиісті шаралар қабылданады. Айта  кетейік, әлеуметтік маңызы бар азық-түлік өнімдеріне заңмен белгіленген 15%-дан аспайтын сауда үстемесін асыру бойынша алғаш рет кәсіпкерге ескерту беріледі, кейін 10-нан 300 АЕК-ке дейін айыппұл салынады.

Сауда министрлігінің өкілдері ірі сауда желілерінің, атап айтқанда, Small және Magnum өкілдерімен кездесті.  

«Бүгінгі таңда Астанадағы Small сауда желілерінде картоптың орташа бағасы 280 теңгеге дейін төмендеді, ал Magnum желісінде 185 теңге болды. Сауда комитетінің мониторинг деректері бойынша, Қазақстан бойынша картоптың орташа бағасы бүгінгі күні 322 теңге. Әлеуметтік маңызы бар азық-түлік дүкендерінде, әлеуметтік-кәсіпкерлік корпорациялар серіктестерінде, еліміздің барлық өңірінде картоп жеткілікті мөлшерде және нарықтық бағадан төмен бағамен ұсынылған», — деді ведомства.

Сондай-ақ, министрілік өңірлерде тұрақтандыру қорларында қалыптасқан картоп қорларын босату жалғасып жатқанын атап өтті.  

«Жалпы қор 85,4 мың тонна болған жағдайда, 2024 жылдың желтоқсанынан 2025 жылдың 19 қаңтарына дейін 23,6 мың тонна картоп сатылды. Соңғы 3 күнде шамамен 3 мың тонна картоп сатылды, оның ішінде Алматыда — 300 тонна, Шымкентте — 600 тонна, Түркістан облысында — 300 тонна. Сонымен қатар,  бүгінгі таңда тұрақтандыру қорларында 62 мың тонна картоп қоры бар»,  деп мәлімдеді сауда министрлігі.