Алматыда 28 тұрғын үй кешені «қара тізімге» енді

Алматы қаласының құрылыс бақылау басқармасы құжаттары күмәнді немесе заңбұзушылықтармен салынып жатқан 28 тұрғын үй кешенінің тізімін жариялады, деп хабарлайды Orda.kz.

Басқарма мәліметінше, тізімге енген нысандардың бірқатары құрылысқа мүлде рұқсат алмаған, кейбірінде жобалық-сметалық құжаттама бекітілмеген, ал кейбір үйлерде инженерлік желілер мүлде қарастырылмаған.

«Кейбір құрылыс компаниялары заң талаптарын сақтамай, рұқсатсыз жұмыс бастайды. Мұндай нысандарда кейін пайдалануға беру қиындайды немесе тұрғындар инфрақұрылымсыз, заңсыз үйлерде қалуы мүмкін», — деп хабарлады басқарма.

Алатау ауданында:

• «Питтсбург» тұрғын үй кешені — Дархан шағын ауданы, Сабатаев көшесі, 24-үй;
•  «Достар Deluxe» тұрғын үй кешені — Мәдениет шағын ауданы, 185/8.

Алмалы ауданында:

• «Auezov Apartments» тұрғын үй кешені — Қарасай батыр көшесі, 183/19;
• «Tole bi Residence»  тұрғын үй кешені— Аносов көшесі, 103Б;
• «Кабанбай батыр» тұрғын үй кешені — Исаев, Қабанбай батыр, Байғанин және Қарасай батыр көшелерінің қиылысы.

Бостандық ауданында:

• «Швейцария» тұрғын үй кешені — Нұрлытау шағын ауданы;
• «7 Avenue» тұрғын үй кешені — Ремизовка шағын ауданы;
• «Barakat» тұрғын үй кешені — Нұр-Алатау шағын ауданы және тағы басқа 9 нысан тіркелген.

Медеу ауданында:

• «Sky Club House» тұрғын үй кешені — Фонвизин көшесі, 28;
• «Pine Hill Residence» тұрғын үй кешені — 2-көше, 33-учаске;
• «Compositor» тұрғын үй кешені — Жамакаев көшесі, 108-учаске.

Наурызбай ауданында:

• «Люксембург» тұрғын үй кешені — Қарғалы шағын ауданы, Қали Надыров көшесі;
• «Флора» тұрғын үй кешені — Тастыбұлақ шағын ауданы;
• «Француз үйі» тұрғын үй кешені — Қарағайлы шағын ауданы;
• «Lantana» тұрғын үй кешені және тағы бірнеше нысан.

Қала тұрғындарына ескерту: пәтер сатып алмас бұрын, құрылыс салушының барлық рұқсат құжаттарының бар-жоғын тексеру қажет. Бұл мәліметтерді WhatsApp арқылы +7 705 896 6 000 нөміріне жазып, нақтылауға болады.