Жыныстық сипаттағы қызметке веб-камераны пайдаланғандар үшін қылмыстық жауапкершілік заңдастырылды

Қазақстанда «Жыныстық сипаттағы басқа қызметтер» бойынша  веб-камераны пайдаланғаны үшін қылмыстық жауапкершілік енгізілді, деп хабарлайды Orda.kz.

Қазақстанда веб-камераларға тыйым салынды. Елдің қылмыстық кодексі қашықтықтан жыныстық қызмет көрсетуге тыйым салатын түзетулермен толықтырылды. Жезөкшелер үйлерін ұйымдастыру, жезөкшелікке тарту туралы баптарға жаңа тармақ қосылды.

Өзгерістерге сәйкес, «жыныстық сипаттағы басқа қызметтер», оның ішінде «интернет арқылы нақты уақыт режимінде» қызметтерге тыйым салынады.

Жезөкшелікпен айналысуды ұйымдастыру (он жылға дейін бас бостандығынан айыру), ересектерді (жеті жылға дейін) және кәмелетке толмағандарды (12 жылға дейін) жезөкшелікпен айналысуға тарту баптарына өзгерістер енгізілді. 

Осылайша, кәмелетке толмағандарды жезөкшелікке тарту, 16 жасқа толмаған адаммен жыныстық қатынасқа түсу, сондай-ақ жезөкшелер үйлерін ұйымдастыру және «сутенерлік» үшін жаза нақтыланды.

Түзетулер Қызылордада кәмелетке толмаған оқушы қызды сексуалдық құлдықта ұстады, жезөкшелікпен айналысуға мәжбүрледі, клиенттердің ақшасын өздеріне алды деп айыпталған жан  түршігерлік оқиға аясында қабылданды.