Жылжымалы медициналық кешендер жыл сайын қанша тұрғынға қызмет көрсетеді?

Бұл туралы Бүгін Үкімет отырысында ҚР Денсаулық сақтау министрі Алексей Цой жылжымалы медициналық кешендердердің жыл сайын 1,2 млн тұрғынға қызмет көрсететінін айтты, деп хабарлайды ORDA тілшісі.

— Алғашқы медициналық-санитарлық көмекті жақсарту үшін Дүниежүзілік денсаулық сақтау ұйымының 73-сессиясында ДДСҰ-ға мүше мемлекеттер қабылдаған АМСК-тің Астана декларациясы операциялық тетіктерін ілгерілетілуде. 2020 жылдың 1 қаңтарынан медицина қызметкерлерінің жалақысы 30 пайызға көтерілді, деді министр.

Министрліктің сөзінше, алғашқы медициналық-санитарлық көмек дәрігерлеріне жүктемені төмендету және пациенттер үшін қолжетімділікті арттыру жұмыстары жүргізілді. Биыл АМСК-нің 63 жаңа нысаны салынды.

— Көліктік медицина енгізілді. Жыл сайын жылжымалы медициналық кешен шалғайдағы 1 100 елді мекеннің шамамен 1,2 млн тұрғынын қамтиды және шамамен 35 мың науқас адамдарды анықтайды. 2020 жылы қосымша 100 жылжымалы медициналық кешені сатып алынды. Осылайша, қолданыстағы 49 кешенді есепке алғанда олардың жалпы саны 149-ға жетті, деді Алексей Цой.