Жылжымайтын мүлікті сатып алу-сату онлайн режимде болады

Қазақстанда жылжымайтын мүлікті сатып алу-сату операцияларын онлайн режимінде жасауға болады.

Мемлекеттік корпорация Freedom Bank-пен бірлесіп Digital Almaty 2023 форумында блокчейн өнімін ұсынды. Енді қазақстандықтар платформада мүлікті онлайн сатып ала алады. ХҚО-ға және нотариусқа жүгінудің қажеті болмайды.

Блокчейн технологиясының арқасында процестің барлық қатысушылары үшін қауіпсіз инфрақұрылым қамтамасыз етіледі. Біріншіден, жоба мәміле жасасу уақытын үнемдейді, процесс 8 сағаттан аспайды, ал тіркеуге 10 минут кетеді. Сонымен қатар, бұл нотариустарға қарағанда әлдеқайда арзан болады. Сондай-ақ, азаматтарға мүліктің орналасқан жеріне қарамастан құқықтарды мемлекеттік тіркеу үшін құжаттарды тапсыру мүмкіндігі беріледі.

Мәмілеге қатысушылардың және сатып алынған нысан туралы барлық ақпарат «Жылжымайтын мүлік тізілімі» мемлекеттік деректер базасының қызметтерімен тексеріледі. Транзакцияның ашықтығы мен қауіпсіздігін қамтамасыз ететін электрондық цифрлық қолтаңбаны пайдалана отырып, сатып алу-сату шартына қол қоюға болады.

— Біз Freedom Bank-пен бірлесіп жеке тұлғалар арасындағы сатып алу-сату мәмілелерін өңдеуге арналған платформа әзірледік. Ол келесі айда клиенттерге қолжетімді болады. Процесс қауіпсіздігі үшін біз биометрияны қолдандық, бұл тіркеу органдарына олардың еріктілігін, яғни тараптардың  нотариус қызметіне жүгінбей-ақ, онлайн режимде тексеруіне мүмкіндік береді. Қол қойылғаннан кейін жаңа меншік иесінің құқықтары  тіркеледі, - деді мемлекеттік корпорация басқарма төрағасы Сүйеніш Әбділдин.

2021 жылы Freedom Bank ипотека алу үдерісін 90 пайызға цифрландырғаны атап өтілді. Қалған пайыздық мәміленің соңғы кезеңі – нотариуспен келісімге қол қою.

— Біз мемлекеттік қызметтермен бірлесіп,  100 пайыздық онлайн тіркеуге қол жеткізуге мүмкіндік беретін блокчейн платформасын жасадық. Бұл платформаның көмегімен жеке тұлғалар жылжымайтын мүлікті – ипотеканы, қолма-қол ақша/қолма-қол ақшасыз есеп айырысу бойынша тұрақты сатып алу-сатуды қалай сатып алғанына қарамастан, биометрикадан және бейне сәйкестендіруден өткеннен кейін электронды форматта транзакциялар жасай алады. Бұл мүлдем ашық және қауіпсіз жол, - деп түсіндірді Freedom Bank директорлар кеңесі төрағасының кеңесшісі Айдос Жұмағұлов.

Назар аударлығы, егер бұрын әзірлеу тек B2C форматында қол жетімді болса, қазір ол C2C, яғни делдалсыз, жеке тұлғалар арасындағы тікелей сатуға бағытталған.

Жаңа платформа Digital Almaty 2023 форумында көрсетілді. Еске салайық, бұл саяси көшбасшылар, ірі IT-компаниялар бас директорлары, цифрлық технологиялар саласындағы халықаралық сарапшылар қатысатын жыл сайынғы шара.