Жылжымайтын мүлікті тіркеу мерзімін бұзғаны үшін айыппұл төленбейді

2021 жылғы 26 қаңтарда Мемлекет басшысы Қасым-Жомарт Тоқаев Үкіметтің кеңейтілген отырысында «Қазақстан Республикасының кейбір заңнамалық актілеріне жылжымайтын мүлікке құқықтарды және заңды тұлғаларды мемлекеттік тіркеу мәселелері бойынша өзгерістер мен толықтырулар енгізу туралы» Заңға қол қойды.

Әділет министрлігінің мәліметінше, Заңмен жылжымайтын мүлікке құқықтарды тіркеу мерзімін бұзғаны үшін әкімшілік жауапкершілік алынып тасталды.

Мысалы, 2019 жылы 14 869 тұлғаға, 2020 жылы 9686 тұлғаға қатысты ескертулер шығарылды.

Жылжымайтын мүлік иесі туралы құқықтық кадастрға уақтылы ақпарат енгізуге мүмкіндік беретін электрондық тіркеуді сәтті қолдануы осы норманың қабылдануына септігін тигізді.

Қол қойылған сәттен бастап, жылжымайтын мүлікті тіркеу саласындағы әкімшілік жауапкершілік туралы норма өзектілігін жоғалтты.

Қабылданған заңның негізгі мақсаты жылжымайтын мүлікке және заңды тұлғаларға құқықтарды мемлекеттік тіркеу тәртібін оңайлатуға бағытталған.