Жылыойда су тасқынынан зардап шеккен отбасыларға 369 200 теңгеден беріледі

Жылыойда тасқын судан зардап шеккендерге 100 айлық есептік көрсеткіш, яғни 369 200 теңгеден жәрдемақы берілмек, деп хабарлайды Orda.kz порталы.

Әлеуметтік төлем алуға 12 сәуірден бастап құжат қабылдау басталған болатын. Бұл күнде 1 942 отбасы өтініш берген.

«Күні бүгінге тасқыннан зардап шеккен 1 942 отбасынан өтініш қабылданды. Жоспар бойынша 2800 отбасынан өтінім қабылдау күтілуде. Бір реттік әлеуметтік төлем алу үшін небары төрт құжат керек. Өтініш, жеке басын куәландыратын құжат, банктен арнайы есеп шот және қала әкімдігінен берілген анықтама», - деді Атырау облыстық жұмыспен қамту және әлеуметтік бағдарламалар басқармасы басшысы Азамат Мәмбетов.