Жылыой су тасқынына төтеп бере алмай жатыр

Атырау облысы, Жылыой ауданында тұрғындары тасқын суға төтеп бере алмай жатқандарын айтты, деп хабарлайды Orda.kz порталы.

Әлеуметтік желіде жылап көмек сұраған әйелдің бейнеролигі тарады. Виедода әкімдіктен еш көмектің жоқ екені айтылды. 

Дәл қазір өңірде төтенше жағдай жарияланды.

«Бүкіл Қазақстан халқынан Жылыой тұрғындары көмек сұраймыз. Бізде эвакуация дейді, бірақ оған апаратын Майкөмген – Атырау трассасын су шайып кетті. Ақтауға шығатын жолды бөгеп тастаған. Эвакуация тек мектептерге жасалып жатыр. Қазіргі таңда барлығы суға кетіп жатыр. Естіп тұрған шығарсыздар: сирена ойнап жатыр. Бізді осындай қалге жеткізген әкімшілік деп есептеймін. Осы уақытқа дейін Гүлнафис деген ханым бәрі жақсы болады деп сендірді. Әбігерге салынбадық. Халыққа ештеңе айтпады. Су әбден көтерілгенде еріктілерді іздейміз. Бүкіл халық осымен төртінші күн су бөгетті қарауылдап дұрыс ұйықтамай жатырмыз. Шлюз ашылмай жатыр. Барлық жақты су басып жатыр. Қазақ халқынан көмек сұраймыз. Төтеншеліктер де жоқ. Бәрі кеш деп жатыр. Бәріне халық жүгіріп жүр»,- деп әйел жылап жібереді.