«Жылына $50»: сарапшы баланың шотында 18 жылдан кейін қанша ақша жиналатынын есептеді

Президент Қасым-Жомарт Тоқаев бүгінгі жолдауында 2024 жылдың 1 қаңтарынан бастап Ұлттық қордың жылдық инвестициялық кірісінің 50 пайызын арнайы жинақ шоттарына шегеруді ұсынды.

Қаражат балалар 18 жасқа толғанға дейін мерзімінен бұрын алу құқығынсыз болады.

Саясаттанушы Ғазиз Әбішев балалар кәмелеттік жасқа жеткенде қанша ақша жинайтынын шартты түрде есептеп шықты.

«Ұлттық қордың инвестициялық кірісі жылына 700 млн долларды құрады делік. Жартысы – 350 миллион доллар. Жеті миллион балаға – жылына 50 доллар. 18 жылға бір балаға - 900 доллар» деп жазды Әбішев өзінің Telegram-арнасында Abishev analytics.

Президент жиналған сома баспана мен білім алуға жұмсалатынын айтты. Бұл қаражат өскелең ұрпаққа кәмелеттік өмірге нағыз жолдама береді.

Сондай-ақ, Қазақстанда бала күтімі бойынша төлемдер 1,5 жасқа дейін өтеледі.