Жылусыз қалған сарандықтардың әкіміне қатаң сөгіс берілді

cover Фото: Envanto

Жылу маусымында олқылық жіберген Саран қаласының әкімі Еркін Баулықов пен Қарағанды облысының энергетика және ТКШ басқармасының басшысы Тілектес Досаев қатаң сөгіс алды, деп хабарлайды Orda.kz. 

Облыс әкімінің бірінші орынбасары Азамат Тайжановқа ескерту түрінде тәртіптік жаза берілді.

«Қыста сапалы жылумен қамтамасыз ету міндеті біз үшін басым екенін тағы да еске салғым келеді. Әр жағдай бойынша қатаң баға беріліп, жауапкершілік дәрежесі анықталады», -  деді облыс әкімі Ермағанбет Бөлекпаев аппараттық кеңесте.

Еске салайық, бұған дейін Саран қаласының су жаңа жылу орталығы сыр беріп, 80-ге жуық үй жылусыз қалғанын хабарлаған едік. 

Жаңалықтар

барлық жаңалықтар