Жылу коллекторынан ер адамның денесі табылды

Балқаш қаласының өрт сөндіруші қызметкерлері өртті сөндіру барысында жылу коллекторынан ер адамның мәйітін тапты. Қазіргі таңда мамандар өлімнің себебін анықтап жатыр, деп хабарлайды ORDA тілшісі.

Таңертең Балқаш қаласының Ағыбай батыр көшесіндегі №17 үйдің тұрғындары жақын маңдағы жылу трассасынан түтін шығып жатқанын байқап, өрт сөндірушілерді шақырған. Оқиға орнына келген өрт сөндірушілер коллектордан ер адамның денесін тапты.

— 1 наурыз күні сағат 07:35-те Балқаш қаласының Ағыбай батыр көшесі, №17 үйдің жанында жылу трассасының коллекторында 8 шаршы метр алаңда қоқыс жанып кетті, өрт 07:52-де сөндірілді. Оқиға орнында ер адамның жанып кеткен денесі табылды. Өлімнің мән-жайы анықталуда. СМЭ тағайындалды, деп хабарлады Қарағанды облысы ТЖД баспасөз қызметі.