Жылқылар «серуені» айыппұлмен аяқталды

Республикалық маңызы бар жолда емін-еркін жайылып, көліктердің жүруіне кедергі келтірген   40 жылқының иесі жазаланды.

Железин ауданындағы «Омбы-Майқапшағай» тас жолында бір қора мал жайылып жүр.

«Омбы-Майқапшағай» тас жолында жайылып жүрген 40 жылқы төтенше жағдайды тудырғаны белгілі болды . Ешкім жылқылар «серуенінен» зардап шекпегенімен, мал иесі  жазасын алды.

— «Омбы-Майқапшағай»  тас жолының Прииртышск кентінің маңында полицейлер тағы бір топ  иесіз ірі қараны анықтады. 40 басқа жуық  жылқылар жол бойында жайылып, апатты жағдай тудырды, - деді ҚазАқпарат тілшісіне Павлодар облысы Железин ауданы ІІБ жергілікті полиция қызметінің басшысы Ерлан Серікбаев.

Жол бойында жайылып жүрген малдар жол апатына жиі себепкер болады. Өткен жылы кем дегенде дәл осындай бес оқиға болған.  Ал,  бақташы немесе мал иесін жазалауды қарастыратын жайылым ережелері туралы заң елімізде бар.