Жылқы мінген адамдар Байқоңыр ғарыш айлағын тонамақшы болған

Бірнеше күн бұрын Байқоңыр ғарыш айлағында екі адам мекемеге кіріп, сол жердің мүлкін ұрламақшы болған. Күзетілетін нысанда ат сүйреген арба бейнекамераға түсіп қалған. Бұл туралы ORDA kp.ru басылымына сілтеме жасап хабарлады.

Арбаға жүк артқан ұрылар қылмыс орнынан қашып кетпек болды. Бірақ олар ұсталып қалды.

Анықталғандай, ұрылар «Байқоңырға» жақын орналасқан ауылдың 30 және 31 жастағы екі жұмыссыз тұрғыны болып шықты. Олар космодромнан ұрланған жабдықты темір-терсек ретінде өткізіп, қосымша ақша табуды жоспарлаған.

Қазір полиция ұрлық фактісі бойынша тергеу жүргізіп жатыр.