Жыл басынан бері Қазақстанға төрт миллионнан астам шетелдік келген

Ішкі істер министрі Ержан Сәденов президентке елдегі қылмыстық ахуал туралы баяндады.

Бұл туралы Ақорда хабарлады.

Атап айтқанда, ішкі істер министрлігінің басшысы Сәденов Қасым-Жомарт Тоқаевқа көші-қонды бақылау жұмысы туралы баяндады. Жыл басынан бері елімізге 4,2 миллион шетелдік келсе, оның 90 пайызы ТМД азаматтары.

Мәскеудегі Крокус Сити Холлдағы терактіден кейін министрлік адам көп жиналатын орындарда қауіпсіздікті бақылауды да күшейтті.

Мектептерге, университеттерге, сауда орталықтары мен концерт залдарына ерекше көңіл бөлінді.

Сонымен қатар, Сәденов көшелердегі қауіпсіздік деңгейін арттыру және қылмысқа «мүлдем төзбеушілік» қағидатын қамтамасыз ету шаралары туралы баяндады.