Жыл басынан бері қанша қылмыскер ұсталғаны белгілі болды

ІІМ жыл басынан бері қанша қылмыскер ұсталғанын айтты, деп хабарлайды Orda.kz. 

Ведомство мәліметінше, жыл басынан бері криминалдық полиция 647 шетелдік қылмыскерді іздестіріп, ұстады. Осы соңғы айдың өзінде олардың 34-ін құрықтады. Мысалы, Қостанай облысында тәртіп сақшылары 44 жастағы Ресей азаматын ұстаған. Ол 2021 жылы Бішкекте Қырғыз Республикасының лауазымды тұлғаларымен 7 миллион сомды иемденіп, сыбайлас жемқорлық қылмысын жасаған.

Солтүстік Қазақстан облысы аумағында Ресей Федерациясының құқық қорғау органдарымен іздеуде жүрген тағы бір шетелдік ұсталды. Ол 2023 жылы Түменде топ құрамында жергілікті тұрғыннан 300 мың рубль мен Toyota Camry автокөлігін бопсалаған.