«Жүкті болған»: 16 жастағы қызды 66 жастағы ер адам зорлаған

Туабітті церебралды сал ауруы мен эпилепсия диагнозы қойылған Мейірім Әлиасқарованы 16 жасында 66 жастағы көршісі зорлаған, деп хабарлайды Orda.kz Азаттыққа сілтеме жасап. 

Оқиға Қырғызстанның солтүстік-шығысындағы Курменты ауылында болған. Көршісі зорлаған қыз жүкті болып қалған. Бірақ бала өлі туылды. 

Мейірімнің көршісі, 66 жастағы Дүйсенәлі Адықов жасөспірім қызды зорлағаны үшін сот үкімімен 11 жыл 3 айға түрмеге қамалды. Үкімет мүгедек адамдарға зорлық көрсеткендерге жеке қатаң жаза қолдануды енгізуді жоспарлап отыр.

Қырғызстан заңында бала зорлаған қылмыскерді өмір бойына түрмеге қамау жазасы белгіленген.

Қырғызстанда бір жылда жасөспірімдерге қарсы жасалған 406 ауыр және аса ауыр қылмыс тіркелген. Оның 160-ы – зорлау бабы бойынша қозғалған істер.