Жүк көлігінің жүргізушілері Өзбекстан шекарасындағы бопсалау туралы айтты

Мереке күндеріне байланысты Қазақстан мен Өзбекстан шекарасында жүк көліктерінің кептелісі пайда болды. Жүргізушілердің айтуынша, олар елден шығу үшін 100 мың теңге сұраған, деп хабарлайды Orda.kz

Мыңдаған адам көрші елге кіре алмай, кезекте тұр. 

Редакцияға жеткен бейнежазбада шекара бекеттерінің бірінде халық қарасы қалың.

Кейін Ұлттық қауіпсіздік комитеті шекарадағы проблемаларды мойындап хабарлама жариялады. Белгілі болғандай, бұл кептелістің себебі мереке күндеріне және бірнеше бақылау-өткізу бекеттерінің қайта жөндеу жұмыстарына байланысты.

Жөндеу жұмыстары жүргізіліп жатқан шекара өткелдерінің ішінде «Қазығұрттың» да аты аталды. Дәл осы бекетте тұрған жүк көліктері Orda.kz редакциясына хабарласты. Олар шекаралық бақылаудан бір тәуліктен аса уақыт өте алмай жүргендерін айтты. Олар кептеліс жасанды  жасалып жатыр деп шағымданды.

«Мен мұнда кеше түскі сағат бірде келдім. Екі күннен бері шекарадан өте алмай жүрмін. Менің есептеуім бойынша, мұнда 200-ге жуық көлік кезекте тұр», – дейді Ташкенттен келген жүк көлігінің жүргізушісі Олег Зиновьев.

Жүргізушінің айтуынша, шекарадан өтуді қиындатып жатқан «кейбір азаматтар» мәселені ақшаға шешуді ұсынуда.

«Шекараға қатысы жоқ азаматтар кімнің кіріп, кім кірмейтінін реттейді. Олар өту үшін 100 мың теңге сұрайды. Төлеуге ниеті барлар өтіп, бөлек кезекке тұрады. Ол жерде қазір 30-ға жуық көлік тұр», - деді жүргізуші. 

Ол дәлел ретінде бейнежазба  көрсетті.