Жуырда ғана ұсталған Ілияс Сариевтің бұрын сотталғаны белгілі болды

«Елге көмек бер» қайырымдылық қорының жетекшісі Ілияс Сариевтің бұрын істі болғаны белгілі болды, деп хабарлайды Orda.kz. 

Бұл туралы журналист Руслан Өтепбай әлеуметтік желідегі парақшасында жазды.

Ілияс Сариев соттың шешімімен 2 айға қамауға алынды. Сот Сариевтің ауыр дәрежеде қылмыс жасады деген күдікке ілінгенін әрі бұрын да осыған ұқсас қылмыс жасағаны үшін сотталғанын мәлімдеді. 

Айта кетейік, 9 сәуір күні қоғамдық қор жетекшісі Ілияс Сариев ұсталды. Ілиястың үстінен қажылыққа аттана алмай қалған бір топ адам арыз жазған. Ал Ілияс осы күнге дейін Makkah & Medina travel компаниясын жарнамалап келген. 

Бұған дейін Ілияс Сариевке алданғандар туралы Orda.kz тілшісі тың мәліметтер ұсынған еді.