Жұрт алдында қызды сабаған жігіт желіні шулатты

Астанада 2 шілде күні сағат төрт жарымдарда «Өз үйім» ауданында тапа-тал түсте белгісіз жігіт қызды сабады.

Бұл бейнежазба әлеуметтік желілерде тарап кетті.

Бейнежазбада ызалы жігіт пен үнсіз жылап отырған қыз бар. Оқиғаның куәгері болған жайтқа араласты. Әйел полицияға қоңырау шалғанын, өзі кетіп бара жатқанда полиция қызметкерлері келгенін айтты. Ал кешке әйелдің нөміріне 1414-тен  қылмыстық іс қозғалмағанын жеткізген хабарлама келіпті.

«Біз бейнежазбаға түсіре бастағаннан-ақ жігіт сабасына түсті. Ал түсірмей тұрғанда боқтап, әйелге де қызға да айқайлап тұрған еді. Мына бейнежазбада да ызадан өзін әрең ұстап тұрғаны көрініп тұр. Отырып алып, бізді қорқытады», — деді куәгерлердің бірі.

Әлеуметтік желі қолданушылары қиянатқа төзбеген, бейнежазбаны түсірген адамға риза болды.