Журналистің өлгені – шындықтың жасырын қалғаны

Ауғанстанның шығыс бөлігінде тележүргізуші әйелді атып кетті, деп хабарлайды Хабар 24.

Үйінен шығып, көлігімен кетіп бара жатқан оған белгісіз біреулер оқ жаудырған. Тележүргізуші әйел оқиға орнында мерт болды.

Қайғылы хабарды естіген лаңкестік ұйымдардың ешқайсысы шабуылды өз мойнына алған жоқ.

Жергілікті дерек бойынша, марқұм әйелдер мен балалардың құқығы үшін күресетін қоғамдық белсенді де болған.

Еске сала өтсек, өткен айда бомба жарылысы салдарынан Ауғанстанда 2 журналист көз жұмған болатын. «Шекарасыз тілшілер» халықаралық ұйымының мәліметінше, Ауғанстан - журналистер үшін әлемдегі ең қауіпті елдердің алдыңғы қатарында.