Журналистерге Бишімбаевтың сотына қатысуға рұқсат берілді

Астанада Салтанат Нүкенованы азаптап өлтірді деп айыпталған Қуандық Бишімбаевтың соты жалғасуда.

Судья Айжан Құлбаева алқабилердің видеосын таратқан КТК арнасына ескерту жасалғанын айтты.

Сот процеске журналистердің қатысуын қолайлы деп тапты.

«Біздің сот талқылауы ашық сот тәртібінде өтіп жатқанын ескере отырып, Қылмыстық іс жүргізу кодексінің 29-бабында бекітілген іс жүргізудің жариялылығы қағидатын қамтамасыз ету және әділ сот талқылауы мақсатында сот өкілдерінің қатысуына рұқсат беру қажет деп санайды. БАҚ өкілдерін сот залына кіргізілді»,- деп түсіндірді судья Айжан Құлбаева.

Ол алқабилердің суреті мен видеосын түсіргені үшін әкімшілік жауапкершілікке тартылған КТК журналистері де сот залына жіберілетінін айтты.

Сотталушы Бишімбаевтың адвокаттарынан басқа процеске қатысушылардың барлығы бұған қарсы еместігін мәлімдеді. Қорғаушы тарап сот отырысында бейнежазба көрсетіліп жатқанына байланысты қарсылық білдірді.

Жиын басында аудармашының ауысқаны да белгілі болды.