«Журналистерді тұсау»: Алматыда Асхат Ниязовты полиция ұстап әкетті

Алматыда журналист Асхат Ниязовты полиция ұстады, деп хабарлайды Orda.kz.

Әлеуметтік желілерде Ниязов ұсталғаны түсірілген бейнежазбалар тарап кетті. Бейнежазбада Ниязов неге ұстағанын айқайлап айтып жатыр. Оның сөзінше Алматыдағы әкімдігінде тәртіпсіздік жасағаны үшін ұстап жатыр екен. Қазіргі уақытта ұстаудың нақты себептері белгісіз. 

Адвокаты Жанар Балғабаева оған хабарласуға тырысып жатқанын айтты.

«Мен Асхатқа хабарласуға тырысып жатырмын, оның қайда екенін және оған қатысты әкімшілік материал жасалып жатқанын анықтағым келеді. Учаскелік инспектор әзірге әкімшілік материал жасау нұсқауы берілмегенін айтты. Олар әлденені алдын алу мақсатында ұстауы мүмкін. Оны босатуы да мүмкін. Қазіргі уақытта әкімшілік материал жоқ. Ұсталған себебі әлі белгісіз», — деді Жанар Балғабаева.

Журналист Назымгүл Күмісбаева әлеуметтік желіде полиция қызметкерлері Ниязовқа туыстарына немесе адвокатына хабарласуға мүмкіндік бермегенін жазды.

«Егер көзбен көргендердің және біздің оператордың бейнежазбасы болмаса, ұстағаны туралы ештеңе білмес едік. Қазіргі уақытта оны қайда әкеткенін және адвокатты қорғау үшін қайда бару керек екенін білмейміз», — деп атап өтті Купысбаева.

Оны ұстаған себебі оның ауыл тұрғындарының мәселелерін көтеріп, әкімдерге провокациялық сұрақтар қойғаны үшін болуы мүмкін. Сондай-ақ, ол өзінің парақшасында да әкімдік әрекеттері жайлы жиі жазбалар жариялап жүрді.

Ол сөз бостандығы деп, соңғы жазбаларында Қазақстандық журналистер тамыз айының ортасында енгізілген аккредитацияның жаңа ережелерінен кейін өз кәсіби қызметтерінде жаңа шектеулерге тап болғанын жариялаған болатын. Соның ішінде Orda.kz жазған Жәния Ұранқаеваға үкімет ғимаратына кіруге тыйым салынғаны жайлы мәселе бар. 

Еске сала кетсек, Қазақстан Журналистер Одағы Жәния Ұранқаеваның үкіметтік аккредитациядан айырылуына байланысты мәлімдеме жасағанын жазған болатын.