Журналистер VS Сәтқалиев. Шын мәнінде кім кінәлі?

Энергетика министрі Алмасадам Сәтқалиев журналистерге тіл қатты, деп хабарлайды Orda.kz порталы.

Журналистер энергетика министрі Алмасадам Сәтқалиевке «АЭС бойынша референдум қашан өткізіледі?» деген сұрақ қойды. 

«Бұқаралық ақпарат құралдарында «Сәтқалиев референдум осы кезде өтеді деп айтты» дегендей ақпарат жиі шығады. Сол басылым ресми түрде кешірім сұрауы тиіс деп есептеймін. Себебі мен «заңнамаға сәйкес» деп сөйлеп, халықтың талабы мен жігері ескерілетінін айттым. Мемлекет басшысы бұл бағытта саяси шешім қабылдады. Біз соған сәйкес, референдум өткізумен айналысамыз», – деді ол. 

Энергетика министрі жалған ақпарат таратқан қай БАҚ екенін атамады. Ол 2023 жылы «Референдум өткізу қажет емес» деген пікір білдірген.