Журналистер ісі: Аркадий Клебанов есі дұрыс емес деп танылып, емделуге жіберілді

Қазақстандық журналистерге кибершабуыл ұйымдастырушы Аркадий Клебанов қылмыстық жазадан босатылып, психиатриялық ауруханаға мәжбүрлеп емдеуге жіберілді.

Олигархтың жиені Александр Клебанов БАҚ өкілдеріне, соның ішінде Orda.kz редакциясына және бас редактор Гүлнар Бажкеноваға қарсы қылмыстық құқық бұзушылықтар жасағаны үшін кінәлі деп танылды.

Алайда Алматының кәмелетке толмағандар істері жөніндегі мамандандырылған ауданаралық соты Аркадий Клебановты есі дұрыс емес деп, қылмыстық жауапкершіліктен босатты. Сарапшылардың қорытындыларына сүйене отырып, созылмалы психикалық ауруына байланысты өз іс-әрекетінің нақты сипаты мен қоғамдық қауіптілігін сезініп, оны басқара алмайды деген шешім қабылданды. Сондықтан кибершабуылдарды ұйымдастырушы мәжбүрлі емдеуге жіберіледі.

«Аркадий Сергеевич Клебановқа қатысты психиатриялық көмек көрсететін арнайы медициналық ұйымға орналастыру түріндегі қауіпсіздік шаралары ол жалпы психиатриялық стационарға түскен кезде жойылды»,- деді судья.

Сот үкімін жариялау кезінде сотталушыны анасы Марина Клебанова қорғады.

«Жәбірленушілердің азаматтық талаптары ішінара қанағаттандырылды. Жауапкердің заңды өкілінен материалдық және моральдық шығынды өтеу үшін 14 миллион теңгеден астам өндірілді» делінген сот қаулысында.