Журналист Сандуғаш Дүйсенова ұсталып, кепілмен босатылды

Жұма, 11 тамызда азаматтық белсенді және журналист Сандуғаш Дүйсенованың ұсталғаны туралы ақпарат пайда болды. Талдықорғанның тәртіп сақшылары оны қалалық ішкі істер бөліміне жеткізді, деп хабарлайды Orda.kz.

Облыстық ПД Сандуғаш Дүйсенованың біреудің жеке өмірі туралы ақпарат таратқаны туралы арыз бойынша ұсталғанын хабарлады. Тәртіп сақшылары оның кінәсін мойындап, процессуалдық шараларды жүргізгеннен кейін ешқайда  кетпеу және дұрыс мінез-құлық таныту туралы жазбаша міндеттемемен босатылғанына сендіреді.

«Ол ҚР Қылмыстық кодексінің 147-бабының 5-бөлігімен қозғалған қылмыстық іс бойынша жауапты. Бұл бапта басқа адамның жеке өмір туралы, оның ішінде жеке немесе отбасылық құпиялар туралы ақпаратты көпшілік алдында таратуға, жұмыста, бұқаралық ақпарат құралдарында, телекоммуникация желілері арқылы жариялағаны үшін жауапкершілік көзделген. Қазіргі уақытта тергеу облыстық департаменттің бақылауында. Тергеу мүддесі үшін іс бойынша басқа мәліметтер жария етілмейді», - деді мекеме.

Сандуғаш Дүйсенова – Алматы облысы мен Жетісудағы үздік журналистердің бірі, облыстағы оқиғаларды жариялауда қоғам алдындағы борышын адал өтеп, өз материалдарында шенеуніктердің және оларға жақын адамдардың сыбайлас жемқорлық фактілеріне ашып, жариялап жүреді.

Оның мақалалары жиі дау тудырып жатады, бірақ көбісі жинаған дәлелдер тұрғысынан мінсіз еді. Сандуғаш Дүйсенованы ұстау тәуелсіз журналистикаға қысым көрсету және қазақстандықтарды шынайы ақпарат алу құқығынан айыру мақсатын көздейді.

Журналистік-блогерлік ортада көтерілген қоғамдық наразылық пен кешегі Дүйсенованың ұсталуын, оның тілші ретіндегі кәсіби міндеті арасындағы байланысты ескере отырып, бұл істі барынша жария ету керек.