Журналист Думан Мұхаметкәрім азаптау бабы бойынша жәбірленуші деп танылды

Мұны адвокаты Ғалым Нұрпейісов растады.

Нұрпейісовтің айтуынша, Қылмыстық кодекстің 146-бабы бойынша қылмыстық іс қозғауға кейбір күш құрылымдарының Мұхаметкәрімге жасаған қатыгездігі де, екіншілерінің әрекетсіздігі де себеп болған.

"Бұл жерде тергеу изоляторы мен конвой қызметкерлерінің қатыгездік көрсетуіне де, прокуратура өкілдерінің әрекетсіздігіне де қатысты бірнеше эпизод бар", - деді Ғалым Нұрпейісов Orda.kz тілшісіне. 

Оның айтуынша, қазір мән-жай 146-баптың "қатыгездікпен қарау" немесе "азаптау" бөлігін болашақта дәлірек айыптау мақсатында анықталып жатыр. Журналистке қатысты жәбірлеу ісі бойынша жауап алу басталып та кетті.

Еске салайық, Думан Мұхаметкәрім терроризмді қолдады деп айыпталып жатыр. Бұған Мұхтар Әбіләзовпен сұхбат кезінде адвокатқа ақы жинауға арналған шоттардың жариялануы себеп болды. Журналистің соты 11 ақпанда басталған. Кейін журналистің соттың жабық өтіп жатқанына наразылық білдіріп, аштық жариялағаны белгілі болды.