Жұмыс істеу мерзімі бір ғасыр: Болашақ АЭС еліміздің электр энергиясы сұранысының 20%-ын қамтамасыз етеді

Қазақстандағы болашақ атом электр станциясы жылына шамамен 19,5 млрд кВт·сағ электр энергиясын өндіреді. Бұл қазіргі таңда Қазақстандағы жалпы электр энергиясы тұтынуының шамамен бестен бір бөлігіне тең, деп хабарлайды Orda.kz.       

Қазақстан Республикасының Атом энергиясы агенттігінің төрағасы Алмасадам Сәтқалиевтің айтуынша, жоба 60 жыл пайдалануға есептелген және оны екі рет 20 жылдан ұзарту мүмкіндігі қарастырылған. Осылайша, станцияның жұмыс істеу мерзімі шамамен бір ғасырды қамтиды.

«Бүгінде заманауи технологиялар атом электр станцияларын 60 жыл бойы пайдалануға мүмкіндік береді және бұл мерзімді екі рет 20 жылдан ұзартуға болады. Яғни, біз бұл станцияны басқарудың жүз жылдық кезеңі туралы айтып отырмыз», – деді Сәтқалиев. 

Еске салсақ,  «Росатом» басшысы Алексей Лихачев Қазақстанда алғашқы  атом электр станциясы (АЭС) құрылысының белсенді кезеңі 2027 жылы басталатынын айтқан болатын.

АЭС-ті іске қосу 2030-жылдардың ортасына жоспарланып отыр.

Оқи отырыңыз:

• Қазақстанда алғашқы атом электр станциясының құрылысы 2027 жылы басталады
• Қазақстандағы екінші АЭС Мойынқұм деп аталады
• АЭС құрылысы 10 мың жұмыс орнын ашып, инженерлерге сұранысты арттырады