Қайрат Сатыбалдының қызы Тоқаевқа үндеу жасады

Байқоңыр ауданының № 2 сотында Гүлмира Сатыбалдының ісі бойынша жарыссөз жалғасып жатыр. Сот процесі барысында Гүлмира мен Қайрат Сатыбалдының қызы қоғамдық қорғаушы ретінде сөз сөйлеп, Қасым-Жомарт Тоқаевқа үндеу жасады.

«Құрметті Қасым-Жомарт Кемелұлы, біздің анамыз өте мейірімді адам, бес немеренің әжесі және үш баланың анасы. Біз балалар өте қиын жағдайға тап болдық, өйткені біздің ата-анамыз қамауға алынды. Анамызды босатуыңызды сұраймын. Менің ойымша, ол қылмыс жасаған жоқ. Процесс барысында ол жәбірленуші Мекешовамен татуласып, залалды өтеді. Куәгерлер мен жәбірленушілердің көпшілігі менің анама, біздің отбасымызға, тіпті маған жала жабатынын түсіну үшін заңгер болудың қажеті жоқ. Мен Нью-Йорк қалалық мектебінің түлегімін. Балаларға және анамызға адамгершілікпен қарауыңызды, әділ баға беріп, заңды шешім шығаруыңызды сұраймын» деді ол.

Еске салайық, Гүлмира Сатыбалдының ісі бойынша сот талқылауы 14 наурыз күні Астанада Байқоңыр ауданының №2 сотында басталған еді. Ол қылмыстық құқық бұзушылықты ұйымдастырды және адам ұрлады деп айыпталды.