Жұбайының келісімісіз енді несие алуға болмайды

1 қыркүйектен бастап қазақстандықтар несие алу үшін жұбайының рұқсаты керек.

Бұл туралы қаржы нарығын реттеу агенттігі хабарлады.

1 қыркүйектен бастап заң күшіне енеді. Билік жұбайының келісімісіз жеке тұлғаға банктік қарыз беруге тиым салды.

«Биылғы жылдың 1 қыркүйегінен бастап жеке тұлғаларға ерлі-зайыптылардың келісімінсіз несие беруге тыйым салу күшіне енеді. Бұл жаңашылдық отбасылардың мүдделерін қорғауға және ерлі-зайыптылардың бірінің ойланбастан ірі тұтынушылық несие алуына жол бермеуге бағытталған. Жұбайының келісімі талап етілетін несиенің ең төменгі мөлшері, сондай-ақ келісім алу тәртібі Агенттіктің нормативтік актімен белгіленеді», - деді Мәдина Әбілқасымова.

Сонымен қатар, қазақстандықтардың банкке берешегі 19 триллионнан асады екен. Халық санына шаққанда тіпті еңбектеген бала 950 мың теңге банкке қарыз екен.