Жозеп Боррелл Қазақстанға келді

Еуропалық Одақтың сыртқы істер және қауіпсіздік саясаты жөніндегі Жоғарғы өкілі Жозеп Боррел 1-3 тамыз аралығында Қырғызстан мен Қазақстанға сапармен болады.

Бұл туралы Еуропалық Одақтың Қырғыз Республикасындағы ұйымы хабарлады.

Борреллдің сапары Қазақстаннан басталады. Ол ҚР Премьер-Министрінің орынбасары, Сыртқы істер министрі Мұрат Нұртілеумен екі жақты кездесу өткізеді. Одан кейін бірлескен баспасөз мәслихаты болады. Сол күні Боррелл ел президенті Қасым-Жомарт Тоқаевпен кездеседі деп жоспарлануда.

«Сапар күрделі геосаяси жағдайларда ЕО-ның екі елмен, сондай-ақ бүкіл Орталық Азия аймағымен қарым-қатынастарын одан әрі дамытуға маңызды мүмкіндік болады»,- делінген хабарламада.