Жозеп Боррель сапарын аяқтады

Еуропалық Одақтың Сыртқы істер және кауіпсіздік саясаты жөніндегі Жоғарғы өкілі Жозеп Боррель Қазақстанға сапарын аяқтады.

Сапар барысында Жозеп Боррель Президент Қасым-Жомарт Тоқаевпен және ҚР Премьер-Министрінің орынбасары – Сыртқы істер министрі Мұрат Нұртілеумен кездесті. 

Бұл кездесу Кеңейтілген әріптестік және ынтымақтастық туралы келісім шеңберінде Еуропалық Одақ пен Қазақстан арасындағы кең ауқымды қатынастарды қамтыды. Тараптар өзекті халықаралық мәселелермен қатар, аймақтағы қауіпсіздік, Орталық Азиядағы ынтымақтастық, Ауғанстан және Таяу Шығыстағы жағдай жайлы пікір алмасты.