ЖОО оқытушыларының ең төменгі жалақысы белгіленді

Ғылым және жоғары білім министрінің бұйрығымен 2023 жылғы 1 шілдеден бастап жоғары және жоғары оқу орнынан кейінгі білім беру ұйымдарында педагог қызметкерлерге ұсынылатын ең төменгі жалақы мөлшері белгіленді.

Сонымен, штаттағы профессор-оқытушылар құрамына  ұсынылатын  ең төменгі жалақы мөлшері төмендегідей:

• мұғалімге – 240 000 теңге;

• аға оқытушыға – 276 000 теңге;

• доцентке – 312 000 теңге;

• профессорға – 420 000 теңге;

• республикалық (жоғары және/немесе жоғары оқу орнынан кейінгі  білім беру бағдарламалары) 

профессорына – 480 000 теңге.

Қазақстан Республикасы Ғылым және жоғары білім министрлігінің Жоғары және жоғары оқу орнынан кейінгі білім комитетіне бұйрықты жоғары және/немесе жоғары оқу орнынан кейінгі  білім беру бағдарламаларының атқарушы органы басшыларының назарына жеткізу тапсырылды.

Өз кезегінде, МКҚК атқарушы органының басшыларына осы бұйрықты басшылыққа алу және оның 2023 жылғы 1 шілдеден бастап орындалуын қамтамасыз ету тапсырылды.