«Жомарт» кенішіндегі 7 адамның өлімі: апаттың алдын ала қорытындысы шықты

«Жомарт» кенішіндегі апаттың алдын ала қорытындысы жарияланды, деп хабарлайды Orda.kz. 

Комиссияның алдын ала қорытындысы бойынша, кеніштегі апатқа тау-кен қазбасынан метанның жиналуы мен бөлінуі себеп болған. Содан кейін электр жабдықтарының ұшқынынан жарылыс болды. 

Бірақ өнеркәсіптік қауіпсіздік пен еңбекті қорғау бойынша айтарлықтай ереже бұзушылықтар анықталмады. Комиссия жауапты тұлғалар тобы белгілі болғанын айтты.

Кеңес қорытындысы бойынша комиссия төрағасы Қанат Бозымбаев «Қазақмыс корпорациясы» ЖШС-ға ережені бұзбай, апаттың алдын алу бойынша, оның ішінде кеніштегі қауіпсіздікті арттыру, ауадағы газ құрамын анықтау бойынша автоматтандырылған жүйе енгізу, бейнебақылау орнату және басқа да бірқатар тапсырма берді.

Еске салайық, 17 ақпанда Ұлытау облысы Жаңаарқа ауданында «Қазақмыс» корпорациясының «Жомарт» кенішіндегі шахтада апат болып, жеті жұмысшы жер астында қалып қойды. 18 ақпан күні таңертең төтенше жағдайлар министрлігі жетеуі де қаза болғанын хабарлады. Қазақстан үкіметі «Жомарт» кенішіндегі апатқа байланысты арнайы комиссия құрды.