Жомарт Ертаев ақша жымқыру ісі бойынша тоғыз жылға сотталды

Прокурор Азамат Құрманов экс-банкир Жомарт Ертаев пен Нұрлан Тілеубаевты тоғыз жылға соттауды сұрады. Олар қылмыстық топ құрып, алаяқтық жасағаны үшін кінәлі деп танылды.

Сотталушылар Нұрлан Тілеубаев, Әлімжан Тілеубаев, Жомарт Ертаев, Серік Атабай, Оксана Шестакова және Ақан Сұлтановқа қатысты қылмыстық іс Алматы қаласы Алмалы аудандық сотында қаралды.

Ертаев қылмыстық топ құру және алаяқтық жасағаны үшін кінәлі деп танылды. Ол тоғыз жылға бас бостандығынан айрылды, сондай-ақ 10 жыл мерзімге материалдық жауапкершілікке байланысты қызметпен айналысу құқығынан айрылды.

• Нұрлан Тілеубаев осы баппен жазаланды.
• Шестаков бес жылға сотталды.
• Атабай және Әлімжан Тілеубаевтар - бес жарым жылға дейін бас бостандығынан айрылды.

Сот Тлеубаевтар, Ертаевтар, Атабаевтар, Шестаковалардан ДСФК пайдасына 97,4 млрд теңгеден астам және мемлекет кірісіне 2,9 млрд теңгеден астам мемлекеттік баж салығын өндіріп алу туралы шешім шығарды. Qazaq Bank пайдасына - 46,2 млрд теңге және 1,3 млрд теңге мөлшерінде мемлекеттік баж, Еуразиялық банктің пайдасына - 24,1 млрд теңге және мемлекеттік баж - 725,2 млн теңге төлеуге міндеттеді.

Оларға төлем жасауға екі ай уақыт берілді.

2020 жылдың қараша айында Ертаев Bank RBK-тен 144 миллиард теңгені жымқырғаны үшін кінәлі деп танылып, 11 жылға бас бостандығынан айрылды.